Yeni il işıqlarının quraşdırılması səbəbilə Ketevan Dedopali prospektində, Avlabari meydanından Lex Kaçinski küçəsinin kəsişməsinə qədər olan yol hissəsində nəqliyyatın hərəkəti müvəqqəti məhdudlaşdırılacaq. Məhdudiyyət noyabrın 23-ü saat 00:00-dan 06:00-dək tətbiq olunacaq.

Tbilisi Meriyasının məlumatında məhdudiyyət müddətində nəqliyyat vasitələrinin İrbaxi, Tsurtsumia, Zurabaşvili və Kaçinski küçələri vasitəsilə hərəkət edə biləcəkləri deyilir. Kaçinski küçəsindən həm Bochormi küçəsi, həm də Ketevan Dedopali prospekti (sola dönmə ilə) istiqamətində hərəkət etmək mümkün olacaq.

Bundan əlavə, avtomobil sürücüləri Telavi küçəsindən Bochormi küçəsi, eləcə də İalbuzi küçəsindən Kür çayının sol sahili istiqamətində hərəkət edəcəklər.