1-ci Piyada Briqadasının “Xtsis” təlim mərkəzinin yaxınlığında “Şahin 2023” kəşfiyyat-situasiya çöl təlimi keçirilib.

Təlimdə Müdafiə Qüvvələrinin Şərq Komandanlığına tabe olan briqadaların kəşfiyyat bölmələri iştirak edib.

Nümayişli təlimdə kəşfiyyat qrupları marşrutun kəşfiyyatı, pusqu və təmas cavab əməliyyatları həyata keçirib.

Məkanı əvvəlcədən öyrənmək üçün bölmələr təlimlərdə kəşfiyyat xarakterli pilotsuz uçuş aparatlarından istifadə ediblər. Təlim zamanı bölmələrə kəşfiyyat pilotsuz uçan aparatları, kəşfiyyat termal cihazları və termal hədəflərdən istifadə üzrə təlimlər keçirilib.

Təlimin məqsədi Şərq Komandanlığının tabeliyində olan bölmələrin kəşfiyyat əməliyyatlarının icrasını təkmilləşdirmək olub.

Bu barədə məlumatı Gürcüstan Müdafiə Nazirliyinin mətbuat xidməti yayıb.