ABŞ-ın Gürcüstandakı səfiri Kelli Deqnan ABŞ-ın Mixeil Saakaşvili ilə bağlı vəziyyəti diqqətlə izlədiyini bildirib.

Deqnan bildirib ki, “Təxirəsalınmaz vəziyyətdir, çünki həm yerli, həm də beynəlxalq səviyyədə Saakaşvilinin sağlamlığı və rifahı ilə bağlı böyük narahatlıq var”.

O, yekunda Saakaşvilinin tibbi ehtiyaclarının ödənilməsinə görə hökumətin cavabdeh olduğunu bildirib.

“ABŞ cənab Saakaşvilinin vəziyyətini olduqca diqqətli şəkildə izləyir. Bu gün prosesin təxirə salınması gözlənilməz oldu, çünki ABŞ-da hakim müəyyən tədbirlərin görülməsini tələb edəndə hamı əmrin yerinə yetirilməsini təmin etmək üçün əlindən gələni edir. Bu, təxirəsalınmaz vəziyyətdir, çünki həm yerli, həm də beynəlxalq səviyyədə Saakaşvilinin sağlamlığı və rifahı ilə bağlı böyük narahatlıq var. Qeyd etdiyimiz kimi, yekunda Saakaşvilinin ehtiyac duyduğu psixi, fiziki və tibbi yardımı almasını təmin etmək hökumətin məsuliyyətidir. Sonrakı təxirə salma yalnız onun rifahı ilə bağlı sualları və narahatlıqları artırır” -deyə Kelli Deqnan açıqlayıb.