“Kezeraşvili ittihamları rədd edən bəyanatlar verib. Aydındır ki, daha çox məlumat və hüquqi proses lazımdır”, – bu haqda ABŞ-ın Gürcüstandakı səfiri Kelli Deqnan bildirib.

Onun sözlərinə əsasən, araşdırma jurnalistikası çox vacibdir.

“Araşdırma jurnalistikası hökumətləri məsuliyyətə cəlb etmək, mühüm məlumatları üzə çıxarmaq üçün çox vacibdir, lakin bu yalnız başlanğıcdır. Bu, hökumətin öz araşdırması üçün istifadə edə biləcəyi ictimai məlumatdır. Bu mühüm elementdir və bu iddiaların araşdırılması üçün hələ çox iş görülməlidir. Başa düşürəm ki, cənab Kezeraşvili də bu ittihamları rədd edən bəyanatlar verib. Beləliklə, aydındır ki, daha çox məlumat və hüquqi prosesə ehtiyac var. Əminəm ki, belə olacaq”, – Kelli Deqnan bildirib.