Hazırda Gürcüstan və Ukrayna arasında istənilən narazılıq yalnız Rusiyanın məqsədlərinə xidmət edir- bu barədə ABŞ-ın Gürcüstandakı səfiri Kelli Deqnan Gürcüstan və Ukrayna arasında diplomatik münasibətlərin 30 illiyi münasibətilə keçirilən tədbirdə bildirib.

O, hazırda Gürcüstan və Ukraynanın bir yerdə olmasının heç zaman olmadığından daha vacib olduğunu bildirib.

“Ukraynaya yönəlik dəstəyi və Gürcüstanla Ukrayna arasında uzunmüddətli dostluğu gücləndirən və buna həsr olunmuş konfransda iştirak etməkdən məmnunam. Hazırda Gürcüstan və Ukraynanın Rusiyanın təcavüzünə qarşı birgə dayanması heç zaman olmadığından daha vacibdir. Hər iki ölkə Rusiya tərəfindən işğal edilmənin nə mənaya gəldiyini bilir. Hazırda Gürcüstan və Ukrayna arasında istənilən narazılıq yalnız Rusiyanın məqsədlərinə xidmət edir”- deyə Kelli Deqnan bildirib.