ABŞ-ın Gürcüstandakı səfiri Kelli Deqnan Gürcüstanın müdafiə naziri Cuanşer Burçuladze ilə görüşüb.

Kelli Deqnanın sözlərinə görə, görüşdə Gürcüstanın sərhədlərini qorumaq və Rusiya təcavüzünün qarşısını almaq imkanlarını gücləndirən əməkdaşlıq sahələri müzakirə olunub.

“Bizim ABŞ və Gürcüstanla təhlükəsizlik sahəsində çox güclü və sıx əlaqələrimiz var. Müdafiə naziri ilə birlikdə Gürcüstanın sərhədlərini qorumaq və Rusiya təcavüzünün qarşısını almaq imkanlarını gücləndirən əməkdaşlıq sahələrini müzakirə etdik.

Bu, ölkələrimiz üçün kritik məqamda mühüm görüş idi, çünki Rusiya Gürcüstanın sərhədləri yaxınlığında böhran yaradır. Gürcüstan və ABŞ, eləcə də tərəfdaşlar və müttəfiqlər arasında güclü birlik mesajı vermək vacibdir. Nazirlə görüşmək və bu mühüm məsələləri müzakirə etmək çox xoş idi”, – Kelli Deqnan bildirib.