Gürcüstan ABŞ-ın vacib tərəfdaşıdır və biz bu ölkənin uğur qazanmasına çox qayğı göstəririk-bu barədə ABŞ-ın Gürcüstandakı səfiri Kelli Deqnan jurnalistlərə bildirib.

O, ABŞ Dövlət Departamentinin sözçüsü Ned Praysın Vaşinqtonun yaxşı məlumatlı olduğunu və Gürcüstanda baş verənləri maraqla izlədiyini dünən təsdiqlədiyini bildirib.

“ABŞ səfiri olaraq suallara cavab verməkdən həmişə məmnunam. ABŞ-ın bu ölkədəki nümayəndəsi kimi, mənim hər zaman ABŞ-ın Gürcüstandakı fəaliyyəti ilə bağlı suallara cavab vermək istəyim var. Gürcüstan xalqını və Avro-Atlantik ailəyə tam inteqrasiya olmaq istəyinizi dəstəkləmək üçün Gürcüstandayıq. Ned Praysdan eşitdiyiniz üzrə, Vaşinqton burada, Gürcüstanda baş verənlər barədə çox yaxşı məlumatlıdır, buradakı hadisələri böyük maraqla izləyir, çünki Gürcüstan ABŞ-ın vacib tərəfdaşıdır və biz bu ölkənin uğur qazanmasına çox qayğı göstəririk . Məhz bu səbəbdən son 30 il ərzində Gürcüstanı bu qədər sıx və geniş şəkildə dəstəkləmişik”- deyə Kelli Deqnan bildirib.

O, bu yaxınlarda Svaneti və Sameqrelo bölgələrinə gedərək ABŞ-ın maliyyələşdirdiyi layihələrlə tanış olduğunu bildirib.

“ABŞ-ın illər ərzində ictimai səhiyyə, təhsil, təhlükəsizlik, iqtisadi inkişaf sahələrində dəstəklədiyi insanları və layihələri görmək möhtəşəm idi. Bu, Gürcüstan əhalisinin Avropa istiqamətində bu yolu həqiqətən davam etdirmək istəyinə və ABŞ-ın bunu dəstəkləməkdən qürur duymasına dair çox yaxşı xatırlatma idi. Biz bunu 30 il ərzində edirdik və etməyə davam edəcəyik” – deyə Kelli Deqnan bildirib.