ABŞ-ın Gürcüstandakı səfiri Kelli Deqnan Vaziani aerodromunda “Agile Spirit 2023” çərçivəsində keçirilən desant çıxarma təlimində iştirak edib.

“Biz Vaziani aerodromundayıq, burada ABŞ-ın həmrəhbərliyi və Gürcüstanın ev sahibliyi ilə illik “Agile Spirit” təlimi keçirilir. Təlimdə 21 ölkədən 3000-dən çox hərbçi iştirak edir. Bu gün biz desant çıxarılmasında iştirak etdik. Bu, birgə təlimlərin keçirilməsi və qarşılıqlı fəaliyyətin, şəffaflığın artırılması, eləcə də illik təlimlər vasitəsilə hazırlıq səviyyəsinin yüksəldilməsi üçün gözəl imkandır , bu da hərbi əməkdaşlığımızı daha da gücləndirir. Gürcüstan Müdafiə Qüvvələrinin ev sahibliyi etdiyi illik “Agile Spirit” təlimi çərçivəsində baş tutan 173-cü desant bölməsinin 180 nəfərlik paraşütçüsünün tullanması həyəcanlı olub. Belə dəstəyə görə çox sağ olun” – Kelli Deqnan bildirib.

Gürcüstan on birinci dəfədir ki, çoxmillətli “Agile Spirit 2023”  təliminə ev sahibliyi edir. Təlim çərçivəsində Vaziani hərbi aerodromunun ərazisində ilk nümayiş komponenti keçirilib.