Katrin Kolonna Gürcüstanın birliyi uğrunda həlak olan Qəhrəmanların Memorialını əklillə bəzədi

21:46, 28.04.2023

Gürcüstana səfəri çərçivəsində Fransanın Avropa və xarici işlər naziri Katrin Kolonna Gürcüstanın xarici işlər nazirinin müavini Teymuraz Cancalia ilə birlikdə Qəhrəmanlar Meydanında Gürcüstanın birliyi uğrunda həlak olan Qəhrəmanlar Memorialının önünü əklil ilə bəzəyib. Bu barədə məlumatı Gürcüstanın Xarici İşlər Nazirliyi yayıb.

Fransanın Avropa və xarici işlər naziri bu gün Gürcüstana səfər edib. Səfər çərçivəsində Katrin Kolonna Gürcüstanın Baş naziri İrakli Ğaribaşvili, Gürcüstan Prezidenti Salome Zurabişvili və gürcü həmkarı İlia Darçiaşvili ilə görüşlər keçirib.

Qeyd edək ki, 2018-ci ildən sonra bu, Fransa xarici işlər nazirinin Gürcüstana ilk səfəridir.

Müəllif - Sevinj Mustafaeva

Siyasət