Aİ-nin Gürcüstandakı səfiri Karl Hartsel incəsənət dairələrinin nümayəndələri ilə Gürcüstanın Aİ-yə üzvlük müraciəti ilə bağlı mövzularda görüş keçirir.

O, görüşdən əvvəl mətbuata açıqlama verərək bildirib ki, Aİ-yə üzvlük üçün müraciət etmək fundamental ictimai seçimdir və bu məsələ həqiqətən də müzakirəyə layiqdir.

“Mən bugünkü müzakirənin siyasətçilər, diplomatlar və bürokratlar arasında keçirilən müzakirələrdən bir qədər fərqli olacağını gözləyirəm. Bu görüşdə mədəniyyət sahəsinin və cəmiyyətin tanınmış nümayəndələri, liderlər iştirak edirlər. Buna görə də sorğu vərəqəsi, vaxt cədvəli və s. haqqında daha geniş müzakirə gözləyirəm. Çünki Aİ-yə üzvlük üçün müraciət etmək fundamental ictimai seçimdir və bu məsələ həqiqətən də müzakirə edilməyə layiqdir”, -deyə Karl Hartsel bildirib.