Gürcüstan Daxili İşlər Nazirliyinin Kaxeti Polis İdarəsinin əməkdaşları həyata keçirdikləri əməliyyat tədbirləri və istintaq hərəkətləri nəticəsində ailə üzvünə qarşı ağırlaşdırıcı halda törədilmiş qəsdən adam öldürmə faktı üzrə 1942-ci il təvəllüdlü A.Ğ.-ni saxlayıblar.

“İstintaqla təqsirləndirilən kişinin məişət zəminində başlamış mübahisə zəminində Qurcaani Munisipalitetinin Chalaubani kəndində həyat yoldaşı, 1953-cü il təvəllüdlü N.Ğ.-ya ov tüfəngi ilə ölümcül xəsarət yetirdiyi müəyyən edilib.

Aparılmış istintaq-əməliyyat tədbirləri nəticəsində hüquq-mühafizə orqanlarının əməkdaşları təqsirləndirilən şəxsi “isti izlər”lə həbs ediblər. Polis sübut kimi cinayət silahını – ov tüfəngini götürüb”-deyə Daxili İşlər Nazirliyinin məlumatında deyilir.

Ailə üzvünə qarşı qəsdən adam öldürmə faktı üzrə istintaq Gürcüstan Cinayət Məcəlləsinin 11 əlavə 109-cu maddəsi ilə aparılır. Cinayət 20 ilədək və ya ömürlük həbsi nəzərdə tutur.