Ukrayna olduqca pis vəziyyətdədir, Saakaşvili prioritetdirsə, bu, onların öz işidir, Saakaşvili cəzasını çəkdikdən sonra azadlığa çıxacaq-bu haqda paytaxt meri Kaxa Kaladze açıqlayıb.

Kaxa Kaladzedən Ukraynanın Prezidentinin Administrasiyasının müşaviri Mixail Podoliakın bəyanatını dəyərləndirmək istənilib, cavabında o, qeyd edib: “Saakaşvilinin taleyi bizim üçün prioritetdir, Ukrayna Saakaşvilinin azadlıqda olmasında maraqlıdır”.

Kaxa Kaladze, Saakaşvilinin konkret cinayətlərə görə cəza çəkdiyini bildirib.

“Hər bir ölkənin öz prioriteti var. Təfərrüatlara varmaq və Ukraynanın prioritetinin nə olduğunu müəyyən etmək mənim üçün çətin olacaq, lakin bu ölkə üçün arzuladığım ilk şey sülhdür. Mən Ukraynada baş verənləri düşmənə arzulamıram, bu, böyük bəladır. Məhv edilmiş infrastruktur, həm mülki əhali, həm də əsgərlər arasında çoxsaylı itkilər. Olduqca ağır vəziyyətdir, bu səbəbdən Saakaşvilinin onlar üçün prioritet olub-olmaması onların öz işidir. Saakaşviliyə gəlincə, o, günahkardır, konkret cinayətə görə cəza çəkir və təbii ki, cəzasını çəkdikdən sonra azadlığa çıxacaq” – deyə Kaxa Kaladze açıqlayıb.