Tbilisi meri Kaxa Kaladzenin sözlərinə görə, Nika Qvaramianın Strasburqda görüşdüyü konkret Avropa Parlamentinin deputatlarının məqsədi Gürcüstan hökumətini dəyişməkdir.

Onun sözlərinə görə, Nika Qvaramianın əfv olunması polarizasiyanın dərinləşməsi istiqamətində atılan addımdır.

“Prezident Qvaramianı əfv etmək qərarı verəndə mən dedim ki, bu, polarizasiyanı dərinləşdirməyə doğru bir addımdır. Cənab Qvaramianın dəvət olunduğu yerdə biz həmin səfərin ev sahiblərinin status alarkən Gürcüstan haqqında dediklərini yaxşı xatırlayırıq. Onlar Saakaşvilinin azad edilməsindən öz statuslarına qarşı çəki kimi istifadə ediblər”, – Kaxa Kaladze bildirib.

Tbilisi meri əmindir ki, konkret avropalı deputatların radikal hərəkətləri iflasa məhkum olacaq.

“Hər şey aydındır. Bu insanların başqa məqsədi var. Onlar Gürcüstanın dostu deyillər. Onların məqsədi Gürcüstan hökumətini dəyişməkdir. Buna necə nail olunmasının əhəmiyyəti yoxdur. Qeyri-demokratik hərəkətlər də onlar üçün məqbuldur. Onları məyus etmək istəyirəm, bundan heç nə alınmayacaq. Onların radikallığı uğursuzluğa məhkumdur”, – deyə Kaxa Kaladze bildirib.