Kaxa Kaladze – Sakrebulo ilə əməkdaşlığa hazıram

Tbilisi merinin sözlərinə görə, o, Tbilisi Sakrebulosuna daxil olan bütün partiyalarla əməkdaşlığa hazırdır. Bu barədə Kaladze jurnalistlərə bildirib.

Onun sözlərinə görə, 2017-ci ildə də buna hazır olub, lakin müxalifət əməkdaşlıq etmək əvəzinə siyasi şoular təşkil etməyə başlayıb.

“2017-ci ildə, yadınızdadırsa, mən əməkdaşlığa hazır olduğum barədə bəyanat vermişdim və həqiqətən əməkdaşlığa başlamışdım. Bələdiyyə hökumətinin iclaslarında müxalifət komandasının nümayəndələri iştirak edirdi, lakin siyasi xadimlər, konkret olaraq Levan Xabeişvili siyasi şoularını təşkil etməyə başladılar. Buna vaxtımız yox idi. Biz iş, konkret qərarlar üçün toplandıq və bu əlaqələr dayandırıldı “dedi Kaxa Kaladze.

Tbilisi merinin sözlərinə görə, onun komanda yoldaşları da əməkdaşlığa hazırdır.

“Sakrebuloda təmsil olunan bütün siyasi partiyalarla, eləcə də komanda yoldaşlarımla əməkdaşlıq etməyə, birgə çox şeylər etməyə hazıram. Bu yalnız mənim görməli olduğum iş deyil axı. Onların da iştirak etmək üçün cəmiyyət tərəfindən dəstəyi var. Maksimum əməkdaşlıq olacaq”, – deyə Kaxa Kaladze bildirib.