Prokurorluğun bu gün yaydığı kadrlar 2012-ci ildən əvvəl baş vermiş çirkinliyi və bədbəxtliyi bir daha təsdiqləyir, – paytaxt meri Kaxa Kaladze jurnalistlərə bildirib.

Kaxa Kaladzenin qeyd etdiyi kimi, 2012-ci ildən sonra bütün bunlar keçmişdə qalıb və heç kim məhbusa belə münasibət göstərməyə cəsarət edə bilməz.

“Müqayisə etmək mümkün deyil, hamımız yaxşı bilirik ki, biz hansı reallıqda yaşamalıydıq, 2012-ci ilə qədər məhbuslarla hansı reallıqda vaxt keçirməli olduq, nə vəhşi rəftar, nə işgəncə var idi məhbuslara qarşı. Bu dəfələrlə üzə çıxıb və bugünkü görüntülər 2012-ci ildən əvvəl baş verən çirkinliyi və fəlakəti bir daha sübut edir. Bütün bunların əsas yaradıcısı kim olub – Mixail Saakaşvili, onun komandasının üzvləri, Meqis Kardavalar, Qvaramiyalar və s. Bu faciə ölkədə baş verirdi, xoşbəxtlikdən, 2012-ci ildən sonra biz bütün bunları keçmişə köçürdük və heç kim məhbusa belə münasibət göstərməyə cəsarət edə bilməz”, – deyə Kaxa Kaladze bildirib.

Gürcüstan Prokurorluğu bu gün bəyanat yayıb ki, Penitensiar Departamentin 8-ci müəssisəsinin keçmiş direktoru Aleksandr Muxadze (“Killera” ləqəbli) məhbusa işgəncə verməkdə ittiham olunur. Prokurorluq videogörüntülər də yayımlayıb ki, videoda zorakılıq görüntüləri var.