“Tsğneti yanğını ilə əlaqədar sosial şəbəkə daxil olmaqla bir çox insan,  ərazinin yanmasından sonra statusun götürülməsi və bu ərazidə yeni evlərin tikilməsi üçün yanğının məqsədyönlü şəkildə törədildiyini ehtimal edir”-deyə jurnalistin ünvanladığı bu suala Kaxa Kaladze belə cavab verib- “Xoşbəxtlikdən, meşələrin qırıldığı, rekreasiya zonalarında, idman meydançalarında tikinti işlərinin aparıldığı illəri geridə qoyduq “.

Bununla yanaşı, Kaladze yanğınlar zamanı yanğınsöndürmə idarəsinin gecikməsinə dair söz-söhbətin də yalan olduğunu bildirir. Kaxa Kaladze canları bahasına vətənə xidmət etməyə hazır olan yanğınsöndürənlərə təşəkkür etdiyini açıqlayır.

“Xoşbəxtlikdən, meşələrin qırıldığı, rekreasiya zonalarında, idman meydançalarında tikinti işlərinin aparıldığı illəri geridə qoyduq. Şəxsən mən paytaxta olduqca önəmli olan bir çox vacib məkanları qaytardım  və təbii ki, bizim belə münasibətimiz olacaq. Haqqında danışdığınız insanlara daha çox oxumağı məsləhət görərdim.

Yanğınsöndürənlərin gecikməsindən danışmaq yalandır. Cəmiyyət reallığı çox gözəl görür. Qəhrəman yanğınsöndürən-xilasedicilərimiz  var. Onların hər birinə Borcomi vadisində gördükləri işlərə görə dərin təşəkkürümü bildirmək istəyirəm. Mən onlara ölkəmizə xidmət etdiklərinə görə təşəkkür etmək istəyirəm, onlar canları bahasına vətənə xidmət etməyə hazırdırlar”- deyə Kaxa Kaladze bildirib.