Tbilisi meri Kaxa Kaladze növbəti dəfə mediaya “Gürcü Arzusu”nun gələcək parlament seçkilərində konstitusiya çoxluğunu əldə etməsinin nə üçün vacib olduğunu izah edib.

Onun izahatına görə, bunun səbəblərindən biri də ölkənin ərazi bütövlüyünün bərpasının mümkünlüyüdür.

“İctimaiyyət konstitusiya çoxluğunun nə üçün lazım olduğunu bilir. Söhbət, ilk növbədə, ölkənin ərazi bütövlüyünün bərpasının mümkünlüyündən gedir. Müvafiq olaraq bu baş verəndə konstitusiyanın yenidən təşkili vacibdir. Bunun üçün səs çoxluğu zəruridir. Qanunvericilər bizə hansı dəyişikliklərə ehtiyac olduğu barədə ətraflı məlumat verəcəklər. Bundan başqa, 2008-ci ildə kollektiv Milli Hərəkatın törətdiyi cinayətdən danışarkən ictimaiyyətin həqiqəti bilməsi vacibdir”, – deyə Kaxa Kaladze bildirib.