Mediaya açıqlama verən paytaxt meri Kaxa Kaladze baş nazir İrakli Ğaribaşvilinin Qətərə səfərini dəyərləndirib və Qətər İqtisadi Forumunda baş nazir tərəfindən düzgün mesajların verildiyini qeyd edib.

Kaxa Kaladzenin sözlərinə görə, ölkənin gələcəyinə xələl gətirən səhvləri təkrarlamağa haqqı yoxdur və hökumət yalnız problemləri yaxşı təhlil etdikdən sonra konkret qərarlar qəbul etməlidir.

“Sözügedən sammitdə Qətərə çox mühüm səfər və İrakli Ğaribaşvilinin çox mühüm çıxışı olub, burada düzgün mesajlar səsləndirilib. Həqiqəti danışmaqdan çəkinməməliyik. Bu gün biz çox çətin bir dövrdən keçirik, bu dövrdə böyük çağırışlar, böyük çətinliklər var. Ona görə də açıq-aydın suallar yaranır. 2008-ci ildə biz əraziləri itirəndə Gürcüstanda müharibə gedirdi, dəstək harda idi?, niyə bu bəyanatlar verilmədi, niyə sanksiyalar yox idi? Biz bu çətinliklərdən keçdikmi ?, bundan nə əldə etdik? Ərazilərimizi itirdik, çoxlu qaçqınlarımız var, dinc sakinlər həlak oldu, qəhrəman oğlanlarımız həlak oldu. Ona görə də biz keçmişdən çox acı nümunələri xatırlayırıq və bu ölkəyə, ölkəmizin gələcəyinə xələl gətirəcək belə səhvlərə yol verməməli, emosiyalarla qərarlar verməməliyik. Biz konkret məsələləri təhlil etməli və buna uyğun addımlar atmalıyıq”, – deyə Kaxa Kaladze bildirib.