“GWP”nin şəhərdə çox böyük problemləri var, şəbəkə köhnəlib və yenilənməyə ehtiyac duyur, hərçənd biz şirkətlə əməkdaşlıq edirik və başladığımız bütün layihələrdə o, müvafiq işləri görür-bu haqda paytaxtın meri Kaxa Kaladze, medianın sualına cavabında deyib.

“Biz harada reabilitasiyaya başlayırıqsa, ilk işimiz sözügedən şirkətdən öz şəbəkəsini sahmana salmağı və yeni layihələr həyata keçirməyi xahiş etməkdir. Eyni şey işlərin başladığı Baqebidə də yaşanır. Təbii ki, məndə məlumat var ki, onların şəbəkəsi köhnəlib, yenilənməlidir və biz şirkətlə əməkdaşlıq edirik. Başladığımız bütün layihələrdə birinci tələbimiz şəbəkəni sahmana salmaq, yeniləməkdir. Şirkət bizi izləyir, müvafiq işlər görür və bu səbəbdən də, bu işlər müəyyən müddət ərzində davam edir. Bundan əlavə, işlərin aparılması ilə əlaqədar onlar tərəfindən tələblər tez-tez olur, lakin şəhərdə bu miqyasda işlər görüləndə, başqa yerlərdə əlavə işlərin görülməsinə başlanılması, fikrimcə, ilk növbədə hərəkət və tıxacların yaranması baxımından problemdir. Ona görə də bizim bu şirkətlə ünsiyyətimiz var və şəbəkənin yenilənməsi üçün o, bütün böyük layihələrdə bizi izləyəcək”- Kaxa Kaladze açıqlayıb.