Kaxa Kaladze - "Gürcü Arzusu" qalib gələcək və konstitusiya çoxluğu ilə hakimiyyətə gələcək yeganə siyasi qüvvədir

13:09, 13.11.2023

Tbilisi meri Kaxa Kaladze Salome Zurabişvilinin 2024-cü ilin seçkilərindən sonra ölkənin koalisiya hökuməti tərəfindən idarə oluna biləcəyi ilə bağlı bəyanatına münasibət bildirib.

Onun qiymətləndirməsinə görə, oxşar bəyanatlarla çıxış edən radikal müxalifət nümayəndələri reallıqdan uzaqdırlar.

“Söhbətin hansı koalisiya hökumətindən getdiyi anlaşılmazdır? Bu gün radikal qanadı təmsil edən bu insanlar, o cümlədən Salome Zurabişvili reallıqdan qopub, ölkədə baş verənləri, insanların onlara münasibətini hiss edə bilmirlər. “Gürcü Arzusu” qalib gələcək və konstitusiya çoxluğu ilə hakimiyyətə gələcək yeganə siyasi qüvvədir”- deyə Kaxa Kaladze bildirib.

Müəllif - Sevinj Mustafaeva

Siyasət