Tbilisi meri, “Gürcü arzusu”nun baş katibi Kaxa Kaladze Saburtalo üçüncü məntəqəsində səs verib.

Kaladze səsvermədən sonra jurnalistlərə dediyi kimi, bu gün seçim etmək çox asandır.

“İndiki vəziyyətdə ən başlıcası sülhü qorumaqdır, sülh olmadan heç nəyin dəyəri yoxdur. Bu gün uzunmüddətli perspektivdə ölkəmizə iqtisadi inkişaf, tərəqqi və dirçəliş gətirən sülhə, əmin-amanlığa hər zamankindən daha çox ehtiyac var. Ölkədə yeganə siyasi qüvvə “Gürcü arzusu – sülhü qoruya bilən Demokratik Gürcüstan”dır. Bu gün seçim etmək çox asandır. Bir tərəfdə bizi bilavasitə müharibəyə çağıran qüvvələr, bunlar xalqa, ölkəyə qarşı hər cür şər, çirkinliklər buraxmağa hazır olan qüvvələrdir. Dəfələrlə hakimiyyətdə olanda onların əməllərini görmüşük. Bu gün cəmiyyəti çaşdırmaq üçün müxtəlif siyasi partiyalar kimi təmsil oluna bilər, amma hamının keçmişinə, kim olduğuna, nəyi təmsil etdiyinə baxın. Ona görə də ictimaiyyət üçün seçim etmək çətin olmayacaq. Mən bir daha hamını 41-i rəngləməyə çağırmaq istərdim ki, hər bir vətəndaş ölkədə sülhü, iqtisadi inkişafı və firavanlığı hiss etsin”, – Kaladze bildirib.