İnsan hüquqları bu gün ölkədə qorunan mövzudur, lakin LGBT təbliğatı qəbuledilməzdir-bu haqda K.Kaladze hakim komandanın cəmiyyəti psevdoliberal ideologiyadan və onun qaçılmaz zərərli nəticələrindən qoruyacaq qanun layihəsi hazırlamaq təşəbbüsü ilə bağlı jurnalistlərin sualını şərh edərkən açıqlayıb.

Kaxa Kaladzenin qeyd etdiyi kimi, qanun layihəsinin hazırlanmasına başlanılacaq və bütün maraqlı şəxslər prosesə qoşulmaq və iştirak etmək imkanı əldə edəcəklər.

“Sözügedənlə bağlı çox geniş izahatlar verildi. Bu barədə dünən Mamuka Mdinaradze də danışıb. Qanun layihəsinin hazırlanmasına başlanılacaq və bütün maraqlı tərəflər prosesə qoşulmaq və iştirak etmək imkanı əldə edəcəklər. Dünyada baş verən tendensiyalara baxsanız, həqiqətən də narahatedicidir. Bir şeyi vurğulamaq istərdim: insan hüquqları bu gün ölkədə qorunan ən mühüm mövzulardan biridir. Kimin hansı inancı, kimin hansı cinsi oriyentasiyaya sahib olmasının fərqi yoxdur, hamının hüquqları qorunur, lakin LGBT təbliğatı qəbuledilməzdir. Hazırlanması lazım olan qanun layihəsi bu təbliğatın yayılmasının qarşısını almağa kömək edəcək”- deyə Kaxa Kaladze açıqlayıb.