Gürcüstanın Baş naziri İrakli Ğaribaşvilinin gəlirləri onun əmlak bəyannaməsində tam əksini tapıb və hər kəs üçün əlçatandır, Tbilisi meri Kaxa Kaladze baş nazirin gəlirləri ilə bağlı sualı cavablandırarkən deyib.

Onun qeyd etdiyi kimi, yüksək rütbəli məmurların hətta öz övladlarının təhsilini ölkə büdcəsindən maliyyələşdirdiyi dövr artıq keçmişdə qalıb.

“Baş nazirin gəlirlərinə gəlincə, hər şey bəyannamədə göstərilib. Mən sizə bir şeyi deyim: bu gün Gürcüstanda heç bir yüksək vəzifəli məmur, hətta baş nazir olsa belə, qadınları masaj etmək üçün gətirməyə, büdcədən sevgililərini maliyyələşdirməyə cürət etmir. Mən çox istedadlı və uğurlu övladları olan bir çox yüksək vəzifəli məmurlar tanıyıram, lakin bu, kiminsə büdcədən pul götürüb övladının təhsilini maliyyələşdirməsi üçün bəhanə ola bilməz”, – deyə Kaxa Kaladze bildirib.