Tbilisi meri Kaxa Kaladze sosial şəbəkə vasitəsilə Gürcüstan millisinin Avropa çempionatında Türkiyə ilə keçirdiyi ilk oyuna münasibət bildirib.

Kaxa Kaladzenin yazdığı kimi, Gürcüstan millisi layiqli oyun nümayiş etdirdi.

“Avropa çempionatında Gürcüstan millisi adından oğlanlarımızın layiqli çıxışını gördük; Onların sona qədər mübarizə ruhunu, münasibətini gördük.

Avropa çempionatında Gürcüstan adına vurulan ilk qola görə Giorgi Mikoutadzeyə təşəkkürlər!

Bu gün üçün hər bir komanda üzvünə təşəkkür edirik!

Millinin daha da ruh yüksəkliyi və əzmkarlıqla çıxış edəcəyi vacib matçlar bizi gözləyir.

Milli komandaya və ölkəmizə uğurlar!”, – Kaxa Kaladze yazıb.

Gürcüstanın futbol komandası Dortmund şəhərində keçirilən Avropa çempionatında ilk oyununu keçirib. Gürcüstan – Türkiyə oyunu 1:3 hesabı ilə başa çatıb.