ABŞ-ın NATO-dakı daimi nümayəndəsinin sözlərinə görə, o, Gürcüstanla alyans arasında unikal tərəfdaşlıq məsələsində əməkdaşlığın davam edəcəyinə ümid edir. Culian Smith bu barədə “YouTube” portalında dərc olunan videoda Vilnüsdə planlaşdırılan sammitlə bağlı sualları cavablandırarkən danışıb.

“2008-ci ildə Buxarest sammitində biz təkcə Ukraynanın Şimali Atlantika Alyansına üzv olacağını deyil, həm də Gürcüstanın NATO-ya üzv olacağını demişdik. Gürcüstan artıq NATO-nun inanılmaz dərəcədə yaxın tərəfdaşıdır. Gürcüstan NATO əməliyyatlarında iştirak edib. Biz açıq şəkildə Rusiyanın 2008-ci ildə etdiklərini pisləməkdə davam edirik və Rusiya Gürcüstan ərazisinin 20%-ni okupasiya etməkdə davam edir. Gürcüstandakı dostlarımızın ərazi bütövlüyü və suverenliyi ilə bağlı məsələdə yanındayıq və ümid edirik ki, Gürcüstanın alyans ilə unikal tərəfdaşlığı üzərində işləməyə davam edəcəyik”- Culian Smit bildirib.