17 Şindisi qəhrəmanı Gürcüstan tarixinin siması və nümunəsidir- deyə Gürcüstanın müdafiə naziri Cuanşer Burchuladze bildirib.

Cuanşer Burchuladzenin qeyd etdiyi kimi, bir tərəfdə 17 qəhrəman, bir tərəfdə ədalətsizlik dayanıb.

“Bu gün biz Şindisi qəhrəmanlarını bir daha xatırladıq, 17 qəhrəman Gürcüstan tarixinin siması və nümunəsidir, 17 qəhrəman bir tərəfdə, haqsızlıq bir tərəfdə dayanıb. Beş tank, bir rota, zirehli texnika, ağır silahlar, bunlar bizim 17 qəhrəmanımızla qarşılaşdılar, amma qəhrəmanlarımızı sındıra bilmədilər. Bu, tarix boyu belə olub,  qəhrəmanları sındıra bilməzlər, vətənimiz, gələcəyimiz onlara dayanır”, – Burchuladze bildirib.

Onun sözlərinə görə, bu gün Şindisi qəhrəmanlarının abidəsinin açılışı olub.

Muzeyin açılışının da müzakirə olunub-olunmadığını soruşduqda müdafiə naziri qeyd etdi ki, bina bu il təhvil verilib və layihələndirməyə başlanılıb.

“Biz layihələndirməyə başlamışıq, ilk növbədə texniki tapşırığı hazırlayırıq və qərar qəbul edildikdən sonra bərpa işləri görəcəyik”, – deyə nazir bildirib.