Ermənistan Respublikasına səfəri çərçivəsində müdafiə naziri Juanşer Burchuladze Ermənistanın baş naziri Nikol Paşinyan ilə görüşüb.

Gürcüstan Müdafiə Nazirliyinin məlumatına görə, görüşdə tərəflər regionda və dünyada təhlükəsizlik mühiti və promləri müzakirə ediblər. Söhbət zamanı Gürcüstanın Sülh İçərisində Qonşuluq Təşəbbüsü çərçivəsində regionun sülh yolu ilə inkişafı üçün səylərini yönəltməyə hazır olduğuna toxunulub.

Bundan əlavə, görüş zamanı Gürcüstana namizəd statusunun verilməsi ilə bağlı Avropa Komissiyasının tövsiyəsinin əhəmiyyəti xüsusi qeyd olunub. Müdafiə naziri qeyd edib ki, Gürcüstan gələcəkdə də lazımi öhdəliklərin və prosedurların yerinə yetirilməsi işlərini fəal şəkildə davam etdirəcək. Söhbət zamanı həm də Avropa İttifaqı ilə Gürcüstan arasında təhlükəsizlik və müdafiə siyasəti istiqamətində müxtəlif formatlarda əməkdaşlıq məsələlərinə toxunulub.

Qurumun məlumatına əsasən, diqqət iki ölkə arasında müdafiə sahəsində əməkdaşlığın dinamikası və perspektivlərinə yönəlib.

Səfər çərçivəsində Juanşer Burchuladze erməni həmkarı Suren Papikyan ilə görüşüb və ikitərəfli əməkdaşlıq planı imzalayıb.