“China Daily” Gürcüstanın Baş naziri ilə Çin liderinin görüşündən yazır.

Çin nəşrinin yazdığına görə, Si Dzinpin və İrakli Ğaribaşvili arasında görüş Siçuan əyalətinin Çenqdu şəhərində baş tutub.

“Çin və Gürcüstan arasında diplomatik münasibətlər qurulandan bəri iki ölkə siyasi qarşılıqlı etimadı gücləndirib və müxtəlif sahələrdə əməkdaşlıq baxımından böyük uğurlar əldə edib”- Si Dzinpin bildirib.

“China Daily”nin məlumatına görə, iki ölkə lideri Çin və Gürcüstan arasında strateji tərəfdaşlıq qurulduğunu bəyan ediblər.

“Bu, yeni başlanğıc nöqtəsidir, Çin və Gürcüstan münasibətləri strateji və uzunmüddətli perspektivlə planlaşdırmalı, strateji tərəfdaşlığın sağlam, davamlı inkişafını təşviq etməli, iki ölkənin inkişafı və dirçəlişinə təkan verməlidir”, – Si Dzinpin bildirib.