Azərbaycan Türkiyə və Ermənistan arasında münasibətlərin qurulmasını dəstəkləyir və bu əlaqələr regional əməkdaşlığın inkişafını təşviq edəcək -deyə Azərbaycanın xarici işlər naziri Ceyhun Bayramov bildirib.

“İkitərəfli münasibətlərin qurulması üçün yeganə əsas beynəlxalq hüquq ola bilər ki, bu hüquq Ermənistan tərəfindən deyil, Azərbaycan və Türkiyə tərəfindən isə həmişə  qorunurdu “, -deyə Bayramov bildirib.

Onun sözlərinə görə, Azərbaycanla Ermənistan arasında sərhədlərin demarkasiyası mühüm məsələdir.

“Azərbaycanın qələbəsindən sonra regionda yeni reallıq yaranıb. Sərhədin delimitasiyası üzrə işə başlamaq təkliflərinə baxmayaraq, hələlik heç bir addım atılmayıb”, -deyə Bayramov əlavə edib.

Azərbaycanlı diplomatın sözlərinə görə, rəsmi Bakı yenə də Ermənistan tərəfini bu məsələ ilə bağlı işçi qrupu yaratmağa və sərhədlərin delimitasiyası-demarkasiyasına başlamağa çağırır.