J. D. Vance bildirib ki, Vaşinqton və Tehran arasında hələ yekun razılaşma əldə olunmayıb, lakin tərəflər buna çox yaxındırlar.

Onun sözlərinə görə, ABŞ prezidenti Donald Trump-ın İranla ilkin memorandum imzalayıb-imzalamayacağı hələ dəqiq deyil, çünki tərəflər “bəzi ifadələrlə bağlı məsələlər” üzrə danışıqları davam etdirirlər.

Bununla yanaşı, J. D. Vance qeyd edib ki, ABŞ İranın nüvə proqramını əhəmiyyətli dərəcədə ləngidə bilər.

“Əgər artıq əldə etdiklərimizə nəzər salsaq, yekun razılaşmaya nail ola biləcəyimizi deyə bilərik. Biz Hörmüz boğazını açırıq. Onların hərbi qüvvələrini artıq məhv etmişik və elə bir mövqedəyik ki, onların nüvə proqramını təkcə bu prezidentin səlahiyyət müddəti ərzində deyil, uzunmüddətli perspektivdə də əhəmiyyətli dərəcədə ləngidə bilərik. Bu, Amerika xalqı üçün çox, çox yaxşıdır. Beləliklə, biz razılaşmaya çox yaxınıq. Bunun üzərində işləməyə davam edəcəyik”, – deyə Vens bildirib.