Gürcüstanın səhiyyə naziri Mixeil Sarcveladzenin bəyanatına əsasən, sabahdan, iyulun 24-dən əmr qüvvəyə minir və onun əsasında da xərçəng xəstəliyi diaqnozu qoyulmuş pasiyentlər zəruri dərmanları birbaşa tibb müəssisələrində ala biləcəklər.

Sarcveladze, pasiyent yönümlü səhiyyə sisteminin sonrakı inkişafı üçün işlərin davam etdiyini bildirib.

“Xərçəng xəstəliyindən əziyyət çəkən pasiyentlər üçün klinikalarda dərmanlardan istifadə etməklə müalicə prosedurlarının yeni üsulla tənzimləndiyi əmr imzalandı. Xüsusən, pasiyent köçürməyədək əvvəlcə klinikaya resept üçün getməli, sonra aptek şəbəkələrində dərman axtarmalı, onu almalı, eyni klinikaya qayıtmalı idisə, bu, əsaslı şəkildə dəyişdi və bundan sonra klinika artıq pasiyenti narahat etməyəcək, hərtərəfli səhiyyə proqramı ilə nəzərdə tutulan zəruri dərmanla onu qarşılayacaq.

Əmr sabahdan qüvvəyə minir. Onun qəbulundan əvvəl klinikalar və xərçəng xəstəliyindən əziyyət çəkən pasiyentlərin təşkilatları ilə səmərəli iş aparıldı. İş prosesində iştirak edən hər bir tərəfə və iştirakçıya təşəkkür etmək istəyirəm. Sözügedən dəyişiklik pasiyentin maraq və hüquqlarının müdafiəsi standartının yaxşılaşdırılması istiqamətində atılan növbəti mühüm addımdır. Təəssüf ki, pasiyentlərin, xüsusilə də xərçəng xəstəliyi diaqnozu qoyulmuş pasiyentlərin ehtiyacları və onların hüquqlarının, maraqlarının müdafiəsi standartlarının yaxşılaşdırılması imkanları və məkanları bu konkret mövzu ilə məhdudlaşmır. Pasiyent yönümlü səhiyyə sisteminin sonrakı inkişafı üçün işləməyə davam edirik. Hər bir pasiyentə bu dəyişikliyin də onlara daha çox sevinc gətirməsini arzulamaq istəyirəm. Onların hər birinə tezliklə şəfa tapmalarını arzulayıram” – deyə Mixeil Sarcveladze bildirib.