Müəyyən kateqoriyadan olan insanların mənim üçün əziz olan din xadimlərinə komissiyanın fəaliyyəti ilə bağlı yalan məlumat verməsi və müvafiq olaraq, onların tərəfindən də reaksiya verilməsinə dair təəssürat yarandı – bu barədə Davit Qareci məsələsi üzrə ittiham olunan İveri Melaşvili məhkəmə iclasından sonra jurnalistlərə açıqlama verib.

İveri Melaşvili Mikael Botkovelinin danışıqlar sənədindən bəhs etdiyini, bunun sənəd deyil də, tərəflər arasında mübadilə edilən variantlar olduğunu söyləyib.

“Sənədlə bağlı bəyanatlara gəlincə, o hələ Şevardnadze ilə Əliyev arasında aparılan danışıqlar prosesindən, danışıqlar sənədindən bəhs etdi, lakin belə bir sənədin olduğunu yada sala bilmədi, həmçinin sənəddən bəhs etdi, bu isə sənəd deyil, tərəflər arasında mübadilə edilmiş variantlardır.

Müəyyən kateqoriyadan olan insanların mənim üçün əziz olan din xadimlərinə guya 200 000 -lik xəritədən istifadə edilməsi ilə Gürcüstanın nəyisə qazanacağı kimi məsələni təqdim etməsi, komissiyanın fəaliyyəti ilə bağlı yalan məlumat verməsi və müvafiq olaraq, onların tərəfindən də reaksiya verilməsinə dair təəssürat yarandı”-deyə Melaşvili açıqlayıb.

Bu gün şəhər məhkəməsində Davit Qareci məsələsi ilə əlaqədar Patriarxlığın mətbuat xidmətinin rəhbəri Mikael Botkoveli dindirilib.