İtaliyanın baş naziri  Trans Adriatik boru kəmərinin (TAP) tikintisi üçün  nəhayətki  öz  razılığını  bildirdi. Bununla bağlı  məlumatı Reuters  və  digər  kütləvi informasiya  vasitələri  yayırlar. Cuzepe Konte  qeyd  edib ki,  qaz  kəmərinin  tikintisinə  mane  olmaq  İtaliyaya  on milyardlarla avroya başa gələ bilər.

“İndi əvvəlki hökumət tərəfindən planlaşdırılan və müqavilə öhdəliyinə malik olan bu layihəyə müdaxilə etmək artıq mümkün deyil”, – deyə İtaliyanın hökumət rəhbəri bildirib.

Transadriatik  qaz  kəməri  vasitəsilə Azərbaycandan təbii  qaz  Avropaya  nəql  olunacaq. Boru  kəməri     Gürcüstan , Türkiyə ,Yunanıstan, Albaniya  və  Adriatik  dənizindən  keçməklə  İtaliyaya  ötürüləcək.

TAP-ın inşasının 2020-ci ildə yekunlaşdırılacağı və elə həmin ildə Azərbaycan qazının Avropaya çatdırılacağı nəzərdə tutulur.