İsveçdə parlament seçkiləri keçirilir

İsveçdə parlament seçkiləri keçirilir. Ölkə miqyasında seçki məntəqələri açılıb. 10,6 milyon əhalisi olan ölkədə səkkiz milyon insanın səsvermə hüququ var. İsveçdə seçici fəallığı müntəzəm olaraq 80 faizi ötür. Səsvermə məntəqələri saat 20:00-da bağlanacaq. İlk nəticələr bir neçə saatdan sonra, bazar günü gecə gözlənilir. Səslərin təxminən yarısı artıq əvvəlcədən verilib.

Qərb mediasının qiymətləndirməsinə görə, gərgin keçən seçkilərin nəticəsində ya ifrat sağçı qüvvələrin ilk dəfə hökumətə daxil olacağı, ya da solçu müxalifətin hakimiyyəti geri qaytaracağı gözlənilir.

Seçkilərdən əvvəl keçirilən rəy sorğuları, hazırkı Baş nazir Ulf Kristerssonun rəhbərlik etdiyi sağçı qrupla müqayisədə solçu alyansa asan bir qələbə vəd edirdi. Lakin seçki günü yaxınlaşdıqca fərq azaldı. Sosial-demokratlar ötən əsrin böyük bir hissəsində İsveçi idarə ediblər və hazırda da ölkənin ən böyük partiyası olaraq qalırlar.

Solçu blok sosial rifah sistemini gücləndirəcəyini və xərclərin artmasının qarşısını almaq üçün tədbirlər görəcəyini vəd edib.

Kristerssonun seçki kampaniyası onun hökumətinin zorakı və mütəşəkkil cinayətkarlığın azaldılması və immiqrasiyanın ciddi şəkildə məhdudlaşdırılması sahəsindəki nailiyyətlərinə yönəlmişdi.