Xüsusi İstintaq Xidmətinin məqsədi iş üzrə obyektiv, açıq və şəffaf istintaq aparmaq və cəmiyyəti maraqlandıran bütün suallara hərtərəfli cavab verməkdir -bu barədə Xüsusi İstintaq Xidmətinin müstəntiqi Vasil Kakaşvili açıqlayıb.

Onun qeyd etdiyi kimi, Xüsusi İstintaq Xidmətinin Saakaşvili işi ilə bağlı konkret istintaq planı var və onun yerinə yetirilməsi üçün hər şey edilir.

“Bildiyiniz kimi, Mixeil Saakaşvilinin vəkilləri saç və dırnaqlar əsasında toksikoloji tədqiqat aparılmasını xahiş ediblər. Biz bir daha Mixeil Saakaşviliyə saç və dırnaq nümunələri götürməyi, razılıq verərsə, müvafiq tədqiqat aparmağı təklif etməyə gəldik. Vurğulamaq istərdim ki, Xüsusi İstintaq Xidmətinin məqsədi iş üzrə obyektiv, açıq və şəffaf istintaq aparmaq və cəmiyyəti maraqlandıran bütün suallara hərtərəfli cavab verməkdir” -deyə Vasil Kakaşvili açıqlayıb.