Biz gürcü xalqının İsrailə güclü dəstəyini yüksək qiymətləndiririk, bu, iki xalq arasında mövcud olan dostluğun göstəricisidir, – İsrailin Gürcüstandakı səfiri Hadas Meitsad bildirib.

Onun sözlərinə görə, gürcü xalqına təşəkkür edir.

“Biz Gürcüstan hökuməti, prezident, baş nazir, parlamentin spikeri və Xarici İşlər Nazirliyi tərəfindən çox açıq şəkildə qınaq və həmrəylik ifadəsi gördük. Siyasi partiya liderlərindən, dostlardan, iş adamlarından və mədəniyyət xadimlərindən bəziləri şəxsən olmaqla, internet vasitəsilə çoxlu mesajlar alıram. Ümumiyyətlə, bu, gürcü xalqının İsrailə güclü dəstəyidir və biz bunu çox yüksək qiymətləndiririk. Bu çətin zamanda vaxt ayıran, mesaj göndərən və bizimlə həmrəylik nümayiş etdirən hər kəsə minnətdaram. Bu vacibdir və mən hesab edirəm ki, bu, iki xalq arasında mövcud olan dostluğun üzvi və təbii göstəricisidir”, – İsrailin Gürcüstandakı səfiri Hadas Meitsad Gürcüstanın Birinci Kanalına bildirib.

İsrail mətbuatının məlumatına görə, “Həmas”ın hücumu nəticəsində ölən İsrail vətəndaşlarının sayı 600-ü ötüb, 2000-dən çox insan isə yaralanıb.