İsrailə gözlənilən hücumdan əvvəl İran, ölkənin hava məkanında GPS siqnalının mümkün tıxanması ilə bağlı aviaşirkətlərə xəbərdarlıq edib. Açıqlamaya görə, fasilə İranın qərb və şimal-qərb bölgələrinə təsir edəcək. İran aviaşirkətlərə marşrutu dəyişməyi tövsiyə edir.

Bildirilir ki, İranın İsrail istiqamətində yüzlərlə raket və pilotsuz uçuş aparatları atdığı 13 aprel hücumu ilə müqayisədə bu dəfə İsrail daha aqressiv hücum gözləyir.

ABŞ dövlət katibi Entoni Blinkenin sözlərinə görə, İran və “Hizbullah”ın hücumu avqustun 5-də başlaya bilər.

Şimali İsrail merləri və yerli şura rəhbərləri ilə görüşdə İsrail Müdafiə Qüvvələrinin Şimal Komandanlığının komandiri Ori Qordin bildirib ki, ordunun hücum planları “Hizbullah” ilə potensial münaqişəyə hazırdır.

Ötən həftə Tehranda Həmasın siyasi lideri İsmayıl Haniyənin öldürülməsindən sonra İran İsraili cavab tədbirləri ilə hədələyir.