Fələstinin “Fətih” siyasi partiyasının üzvü İsrailin Livanda endirdiyi raket zərbəsi nəticəsində həlak olub.

Bu barədə məlumatı İsrailin Müdafiə Qüvvələrində təsdiqləyirlər.

İsrailin Müdafiə Qüvvələrinin məlumatına görə, sahilyanı Sidon şəhərində dronla həyata keçirilən hücum nəticəsində öldürülən Xəlil Makdah İsrailin “Hizbullah”və İranın İslam İnqilabı Keşikçiləri Korpusu ilə əməkdaşlıqda ittiham etdiyi “Fətih”in yüksək vəzifəli rəsmisi Munir Makdanın qardaşıdır.

İsrail Müdafiə Qüvvələri və xüsusi xidmət orqanlarının məlumatına görə, Livandan olan qardaşlar İordaniyanın qərb sahilində yerləşən terror qruplaşmalarını pul və silahla təmin etməkdə iştirak edirdilər.

Bu gün “Hizbullah” qruplaşması Qolan təpələrində yerləşən Katsrin şəhəri istiqamətində 50-dən çox raket atıb. Hücum nəticəsində bir nəfər yaralanıb.