İsrail İraqa xəbərdarlıq edib ki, iranpərəst paramiliter qüvvələrin İsrailə hücumu davam edərsə, İsrail İraqdakı hədəfləri vuracaq

İsrail İraqa xəbərdarlıq edir ki, iranpərəst paramiliter qüvvələrin İsrailə hücumu davam edərsə, İsrail İraqdakı hədəfləri vuracaq. Bu barədə “Saudi Elaf” agentliyi məlumat yayıb.

Anonim mənbənin agentliyə verdiyi məlumata görə, İsrail peyklər vasitəsilə Tehranın İsrailə gözlənilən hücumda istifadə etmək üçün İraq ərazisinə ballistik raketlərin və müvafiq avadanlıqların ötürülməsi üzərində işlədiyi barədə məlumat alıb.

O da məlumdur ki, İsrail İranın dəstəklədiyi bu qruplaşmaların nəzarətində olan obyektləri izləyir və müəyyən edir və Bağdada öz ölkəsində fəaliyyət göstərən qüvvələrə nəzarət etməsi, onların İraq ərazisindən İsrailə hücum etmək üçün istifadə etməsinə mane olması barədə xəbərdarlıq edir.