İsrail qüvvələri İordan çayının qərb sahilində keçirdiyi reyd zamanı 3 fələstinlini öldürüb, bir neçə nəfəri həbs edib

10:52, 14.06.2024

Reuters xəbər verir ki, İsrail qüvvələri İordan çayının qərb sahilində keçirdiyi reyd zamanı üç fələstinlini öldürüb, bir neçə nəfəri isə həbs edib. Daha sonra İsrail tərəfi bu əməliyyatın hücumların qarşısını almaq üçün zəruri olduğunu qeyd edib.

Medianın məlumatına görə, İsrail hərbçiləri iki silahlının yerləşdiyi binanı mühasirəyə alıblar. Həmin vaxt iki fələstinli, üçüncü şəxs isə şəhərin başqa bir hissəsində İsrail tərəfi tərəfindən öldürülüb.

İsrail hərbçiləri binadakı fələstinliləri “böyük terrorçular” adlandırıb və basqın zamanı onların silahlarının ələ keçirildiyini qeyd edib.

Müəllif - Emil Aliyev

Dünya