İsrail Müdafiə Qüvvələri İordan çayının qərb sahilində davam edən əməliyyatlar çərçivəsində HƏMAS qruplaşmasının Cenindəki lideri Wissam Khazem və daha iki döyüşçünün öldürüldüyünü açıqlayıb.

“İsrail təhlükəsizlik qüvvələri Wisam Khazem-i öldürüb, sonra isə digər iki döyüşçünü qaçmağa cəhd edərkən onlara hava zərbələri endirib”. – bəyanatda deyilir.

Öz növbəsində, Fələstin Administrasiyasının Səhiyyə Nazirliyi Cenindən cənub-şərqdə, Zababdeh şəhəri yaxınlığında 3 nəfərin öldürüldüyünü bildirib. HƏMAS da onların ölümünü təsdiqləyib.

Səhiyyə Nazirliyinin məlumatına görə, İordan çayının qərb sahilində ən azı 20 fələstinli həlak olub. Silahlı qruplar həlak olanların əksəriyyətinin onların döyüşçüləri olduğunu bildiriblər.