İspaniyada daşqınlar nəticəsində ölənlərin sayı 51-ə yüksəlib

İspaniyada Valensiya bölgəsində daşqınlar nəticəsində ölənlərin sayı 51-ə çatıb.

Güclü yağışın yaratdığı sel və leysan yağışları yolları və körpüləri zədələyib, avtomobilləri aparıb, şəhərləri su basıb.

Valensiya bölgəsinin rəhbəri Karlos Mazzon keçirdiyi mətbuat konfransında bildirib ki, təbii fəlakət səbəbindən xilasetmə xidmətləri bəzi ərazilərdə ilişib qalan vətəndaşlara çata bilmir.

“Təcili yardım xidmətləri gəlmirsə, bu, resursların çatışmazlığı ilə deyil, giriş problemi ilə əlaqədardır.” – dedi və qeyd etdi ki, müəyyən ərazilərə çatmaq qətiyyən mümkün deyil.

Valensiyada onlarla insan gecəni yük maşınlarında və minik maşınlarında, eləcə də damların üstündə kömək gözləyərək keçirib. Sosial şəbəkələrdə video görüntülər yayılır, orada bəzi insanların ağaca dırmaşaraq özlərini xilas etməyə çalışdığı görünür.

Valensiya bölgəsində ən yüksək xəbərdarlıq səviyyəsi elan edilib.

İspaniyanın Baş naziri Pedro Sançes vətəndaşları səlahiyyətlilərin tövsiyələrinə əməl etməyə və xüsusi zərurət olmadan səyahətdən çəkinməyə çağırır.