Nazirlər Komitəsi dəfələrlə Gürcüstanın beynəlxalq səviyyədə tanınmış sərhədləri daxilində ərazi bütövlüyü və suverenliyinə tam dəstəyini ifadə edib, nazir müavinləri də Rusiyanın dəstəklədiyi de-fakto hökumət tərəfindən görülən tədbirlərin Gürcüstanın suverenliyi və ərazi bütövlüyünü pozduğunu dəfələrlə bəyan edib – bu barədə İslandiyanın XİN rəhbəri Sordis Kolbrun Qilvadotir gürcü deputatın sualına cavab olaraq açıqlayıb.

“Xalqın Gücü”nün üzvü Eka Sepaşvili Avropa Şurasının prezidenti olan ölkənin xarici işlər nazirinə sual ünvanlayıb: ” Sammitin bəyannaməsində Rusiyanın Ukraynaya və Gürcüstana təcavüzünün vurğulandığına görə sizə təşəkkür etmək istəyirəm. Təəssüflər olsun ki, bəşəriyyət dünyada müxtəlif növ işğal və münaqişələrə şahid olur, xanım nazir, çıxışınızda multilateralizmin gücünə inandığınızı qeyd etdiniz, bu baxımdan işğal olunmuş ərazilərdə yaşayan insanların hüquqlarının müdafiəsinin təmin olunması üçün hansı beynəlxalq mexanizm yaradılmalıdır?”

Sordis Kolbrun Qilvadotir Eka Sepaşvilinin sualına cavab olaraq multilateralizmin probleminin zaman tələb etməsi olduğunu bildirib.

O, Gürcüstanın Abxaziya və Sxinvali regionunun və ya Cənubi Osetiyanın aid olduğu yeganə suveren ölkə olduğunu bildirib.

“Multilateralizmin problemi onun zaman tələb etməsidir və başa düşülən kiçik addımlar var. Müəyyən məqamlarda insanların multilateralizmə inamı buna görə itirdiyi başa düşüləndir. Nazirlər Komitəsi dəfələrlə Gürcüstanın beynəlxalq səviyyədə tanınmış sərhədləri daxilində ərazi bütövlüyü və suverenliyinə tam dəstəyini ifadə edib, nazir müavinləri də Rusiyanın dəstəklədiyi de-fakto hökumət tərəfindən görülən tədbirlərin Gürcüstanın suverenliyi və ərazi bütövlüyünü pozduğunu dəfələrlə bəyan edib, onlar de-fakto hakimiyyəti bu prosesi dayandırmağa və geri qaytarmağa çağırırlar, çünki beynəlxalq hüquq normalarına əsasən , Gürcüstan Abxaziya və Sxinvali regionu və ya Cənubi Osetiyanın məxsus olduğu yeganə suveren ölkədir. Avropa Şurası vəziyyəti izləməyə davam edəcək” -deyə Sordis Kolbrun Qilvadotir açıqlayıb.