Qeyri-qanuni saxlanılan Mamuka Çxikvadze işğal rejimi tərəfindən iki aylıq qanunsuz həbs cəzasına məhkum edilib. Məlumatı Gürcüstanın Birinci Kanalına Dövlət Təhlükəsizlik Xidmətindən təsdiqləyiblər.

“Qaynar xətt”in dekabrın 17-də paylaşdığı məlumata görə, qanunsuz saxlanılan Mamuka Çxikvadze işğal rejimi tərəfindən iki aylıq qanunsuz həbs cəzasına məhkum edilib”, – deyə DTX məlumat yayıb.

Dövlət Təhlükəsizlik Xidmətinin məlumatına görə, Rusiya işğalçı qüvvələri dekabrın 12-də Qori bələdiyyəsinin Zemo Nikozi kəndi yaxınlığında Mamuka Çxikvadzeni qanunsuz olaraq saxlayıb. Agentliyin məlumatına görə, qeyri-qanuni saxlanma barədə məlumat alan kimi DTX Avropa İttifaqının Monitorinq Missiyası vasitəsilə fəaliyyət göstərən “qaynar xətt”i işə salıb. Bundan əlavə, beynəlxalq tərəfdaşlara və Cenevrə Beynəlxalq Müzakirələrinin həmsədrlərinə məlumat verilib.