İşğal altında olan Soxumi prokurorluğu dekabrın 21-də keçirilən etiraz aksiyası ilə bağlı cinayət işi açıb.

Yerli medianın məlumatına görə, kütləvi iğtişaşların təşkili və onların iştirakı və dövlət məmurlarına qarşı zorakılıq halları ilə bağlı araşdırmalara başlanılıb.

Hazırda iğtişaşları törədən şəxslərin müəyyən edilməsi, o cümlədən dəymiş ziyanın və hadisələrin baş vermə şəraitinin müəyyən edilməsi istiqamətində təxirəsalınmaz istintaq-əməliyyat tədbirləri davam etdirilir.

Dekabrın 21-də Soxumidə hökumət evi qarşısında keçirilən nümayişdə müxalifət faktiki prezident Aslan Bjaniyanın istefasını tələb edib. Aksiyanı Abxaziya Xalq-Vətənpərvərlər Birliyi təşkil edib. Etirazçılar “Təhlükəsizlik Qüvvələri” və qondarma qüvvələrin kordonunu yarıblar, onlar Parlamentin və Prezident Administrasiyasının qarşısındakı meydana girməyə cəhd ediblər. Etirazçılar hazırkı hökuməti və prezident Aslan Bjaniyanı iqtisadi və enerji böhranında, seçki islahatları vədlərini yerinə yetirməməkdə və işğal olunmuş Abxaziyada inkişaf proqramının olmamasında günahlandırıblar.

Yerli təhlükəsizlik qüvvələri toplaşan etirazçılara qarşı tüstü qumbaralarından istifadə edib.