İsani rayonunun qamqebelisi Nika Elisaşvili deyir ki, Vazisubanidəki partlayış nəticəsində binadan çıxarılan sakinlər ekspertizanın rəyinə əsasən öz mənzillərinə qayıda biləcəklər.

O bildirib ki, binanın dayanıqlılığı ilə bağlı rəy yekun yoxlamadan təxminən bir saat sonra məlum olacaq.

Nika Elisaşvilinin dediyi kimi, müvafiq xidmətin nümayəndələri daşıyıcı divarların vəziyyətini yerindəcə öyrənəcəklər.

Vəzisubani yaşayış məntəqəsində, 15-ci binanın 1-ci mərtəbəsində ötən gün yanğına səbəb olan partlayış baş verib. Hadisə nəticəsində 5 nəfər yaralanıb. New Hospitals-ın məlumatına görə, yaralılardan üçünün vəziyyəti qənaətbəxşdir və tezliklə klinikanı tərk edəcək, yüngül yaralılardan biri İnqorokva Universitetinin klinikasında müalicə olunur, bir nəfər isə yanıq mərkəzinin reanimasiya şöbəsindədir.