“İsani” metro stansiyasında yetkinlik yaşına çatmayan fiziki məhdudiyyətli şəxsə qarşı zorakılıq işi üzrə təqsirləndirilən şəxslərdən biri iclasda günahını etiraf edib.
Söhbət patrul-müfəttişi Kaxaber Bakaşvilidən gedir, prokurorluğun məlumatına görə, o zorakılığın şahidi olub və heç bir reaksiya verməyib. Vəkili iclas başlamazdan əvvəl bildirib ki, bu, iş üzrə yüngülləşdirici cəza olmalı və onun barəsində həbs qətimkan tədbiri nisbətən yüngül tədbirlə əvəz edilməlidir.

” Kaxaberinin şəxsi təşəbbüsü ilə biz Xüsusi İstintaq Xidmətinə müraciət etdik və o, yenidən dindirildi. Bildiyiniz kimi, o, susmaq hüququndan istifadə etdi, lakin bizimlə məsləhətləşdikdən sonra razılaşdıq ki, Kaxaber Bakaşvili ona qarşı irəli sürülən ittihamlar üzrə özünü təqsirli bilir və bütün bunları bu gün də təsdiqləyəcək. Bugünkü mövqe əsaslı şəkildə dəyişib və aydındır ki, bu gün bizim daşınmaz əmlakla bağlı çıxarışımız var, həbs qətimkan tədbirinin daha yüngül tədbirlə əvəz edilməsi barədə vəsatət qaldıracağıq”-deyə Kaxaber Bakaşvilinin vəkili Laşa Sturua bildirib.

Yetkinlik yaşına çatmayan fiziki məhdudiyyətli şəxsə qarşı qeyri-insani rəftarda ittiham olunan təqsirləndirilən digər şəxsə gəlincə, o, indiki mərhələdə susmaq hüququndan istifadə edir.

Hadisə yanvarın 23-də “İsani” metro stansiyasında baş verib. Sosial şəbəkədə yayılan videoda patrul -müfəttişinin yetkinlik yaşına çatmayan fiziki məhdudiyyətli şəxsə qarşı zorakılıq törətdiyi görünür.