İranın nümayəndəsi ballistik raketlərin Rusiyaya ötürüldüyü iddiası ilə əlaqədar Fransa Xarici İşlər Nazirliyinə çağırılıb

İran nümayəndəsi ballistik raketlərin Rusiyaya ötürüldüyü iddiası ilə əlaqədar Fransa Xarici İşlər Nazirliyinə çağırılıb. Bu barədə “Reuters” agentliyi diplomatik mənbəyə istinadən məlumat yayıb.

Bu həftə ABŞ-ın dövlət katibi Entoni Blinken Rusiyanın İrandan ballistik raketlər aldığını və bir neçə həftə ərzində onlardan Ukraynaya qarşı istifadə edəcəyini bildirib. Söhbət qısa mənzilli Fath-360 raketlərindən gedir. Raketlərin uçuş məsafəsi 120 kilometrdir.

İran ballistik raketlərin Rusiyaya ötürülməsini inkar edir.