Azərbaycan Gürcüstanın əsas ticarət tərəfdaşlarından biridir, o, hər il ilk beşliyə daxil olur. Bu il ticarət 15% artıb, – bu barədə Gürcüstanın baş naziri İrakli Qaribaşvili Azərbaycan Respublikasının Prezidenti İlham Əliyevlə görüşdən sonra keçirilən birgə brifinqdə bildirib.

Hökumət başçısının sözlərinə əsasən, yükdaşımaları da artıb.

“Bizim ticarət və iqtisadiyyat məsələləri ilə bağlı da söhbətimiz oldu. Biz enerji, nəqliyyat, logistika sahələrində əməkdaşlıq məsələlərini müzakirə etdik. Azərbaycan Gürcüstanın əsas ticarət tərəfdaşlarından biridir. O, hər il ilk beşliyə daxil olur. Bu il ticarət dövriyyəsi 15% artıb. Keçən il də rekord il oldu. Yükdaşımaların həcmi də artıb. Ümumiyyətlə, qeyd etmək istərdim ki, biz istər enerji, istər nəqliyyat, istər logistika, istərsə də hər hansı digər sahədə, bütün məsələlərdə çox uğurla əməkdaşlıq edirik. Dəmir yollarımızın da çox uğurlu əməkdaşlığı var”, – deyə baş nazir bildirib.