Avqustun 1-də tənzimləmə haqqında yeni qanun qüvvəyə minib, birinci halda bu, klinikalarda gözlənilməz yoxlamaları nəzərdə tutan təftişin bir hissəsidir, indi tənzimləmə agentliyinə yeni mandat verən bu qanun son iki ildə səhiyyə sistemində artıq aktiv şəkildə həyata keçirilən islahatların tərkib hissəsidir-bu barədə Tibb və Əczaçılıq Fəaliyyətinin Tənzimlənməsi Agentliyinin direktoru İrakli Mxeidze danışıb.

Mxeidze yeni qanunun tənzimləmə agentliyi üçün məsuliyyətinin bir hissəsi olduğunu deyib.

“Bu, bu gündən əlavə gücümüzün olacağı müəyyən bir mexanizm deyil. Əksinə, bütün konkret şikayətlərə məsuliyyətlə yanaşmaq üçün cavabdehliyimiz artdı və tənzimləmə agentliyi buna hazırdır. Bu, bütün dünyada sübut edilmiş bir üsuldur. Əvvəl necə olurdu – vəsatətlə məhkəməyə müraciət etmək öhdəliyimiz idi və 72 saat ərzində məhkəmə vəsatətimizi təmin edirdi, lakin bu qərarı məhkəmə tərəfə, konkret klinikaya göndərirdi. Təəssüflər olsun ki, müfəttişlər içəri daxil olanda müəyyən pasiyentlərin müəyyən tibbi kartlarının nəzərdə tutulduğu kimi yox, fərqli olduğuna dair nümunələrə rast gəlirdik və gözlənilməz yoxlama məhz bunun üçün nəzərdə tutulub. Tərəfimizdən yoxlanılacaq və təftiş ediləcək bütün hallar tamamilə obyektiv olacaq. Bunun üçün istənilən məsələnin müzakirə olunacağı peşə şurası var. Müfəttişlərin xidmətinin funksiyası konkret pasiyentlərin konkret tibbi kartlarını götürməkdən, üzərində işləyərək peşə şurasına təqdim etməkdən ibarətdir. Bu halda qərar səs çoxluğu ilə peşə şurası tərəfindən qəbul edilir. Bu, bunun üçün təkrar sığorta mexanizmidir. Artıq üç dəfə klinikalara planlı şəkildə daxil ola bilirik. İl ərzində üç dəfə planlı yoxlamaq səlahiyyətimiz var, mən bu halda infeksiyaları və icazə şərtlərini nəzərdə tuturam”- deyə Mxeidze açıqlayıb.